Azərbaycan, Bakı, 06 oktyabr / Trend , müxbir E.İsmayılov/
"Avropa-Qafqaz-Asiya" (TRACECA) nəqliyyat dəhlizinin daimi katibliyi sərhədlərin və dəhliz ilə daşınmaların coğrafiyasının genişləndirilməsi üzrə Əfqanıstan, Misir, Yunanıstan, Çin, Pakistan, Türkmənistan ilə danışıqlar aparır, bu barədə bazar ertəsi Bakıda TRACECA-nın hökumətlərarası komissiyasının daimi katibliyinin baş katibi Jantoro Satılbaldiev bildirib.
Satılbaldievin bildirdiyi kimi, daimi katiblik regional nəqliyyat dialoqunun və beynəlxalq əməkdaşlığın möhkəmlənməsinə yardım edən bütün təşəbbüslərə açıqdır.
TRACECA staregiyası dəhlizin prioritet infrastruktur layihələrinin müəyyənləşdirilməsini və onların həyata keçirilməsi üçün sərmayenin cəlb olunmasını nəzərdə tutur. "Yaxın müddətdə regionumuzda nəqliyyat sisteminin inkişafı birbaşa olaraq loqistikanın inkişafı və nəqliyyat-loqistika mərkəzlərinin inşası ilə əlaqədardır", - Satılbaldiev bildirib.
Satılbaldievin qeyd etdiyi kimi, əsas nəqliyyat layihələrinin identifikasiyası prosesi də dəhlizin Avropa İttifaqının cənub-şərqi nəqliyyat istiqamətinin inkişafında yeni rolu nəzərə alınaraq TRACECA ölkələri tərəfindən həyata keçiriləcək. TRACECA coğrafi dəhlizi bribaşa olaraq sözügedən nəqliyyat istiqaməti ilə bilavasitə əlaqədədir.
"Dəhlizin trans Avropa nəqliyyat şəbəkələrinə inteqrasiyası prosesi və Aİ-nin cənub-şəqri istiqamətinin inkişafı nəzərə alınmaqla bütün cəlb olunan ölkələrin və onların dövlət idarəetmə orqanlarının TRACECA-nın hökumətlərarası komissiyasının qərarlarının və BMT-nın tövsiyələrinin həyata keçirilməsi prosesində daha dəqiq qarşılıqlı fəaliyyəti məqsədilə TRACECA institutlarının yenidən təşkili prosesinə başlanılıb", - Satılbaldiev bildirib.
Məqalə müəllifi ilə əlaqə ünvanı: [email protected]
