Türkmənistan, Aşqabad, 19 oktyabr / Trend , müxbir H.Həsənov/
Chevron təbii qaz istehsalı üzrə layihədə Türkmənistanın uzunmüddətli tərəfdaşı olmağa ümid edir, "şirkət karbohidrogenlərin təhlükəsiz, səmərəli və ekoloji təmiz işlənməsi və hasil edilməsi üçün milyardlarla kapital qoyuluşuna hazırdır".
Bu barədə Chevron Nebitgaz B.V şirkətinin prezidenti Duqlas Uçikura Aşqabadda bu günlərdə keçirilən beynəlxalq investisiya forumunda iştirakı zamanı bildirib.
"Birgə uğur qazanaraq biz Türkmənistanın dünya bazarlarında enerji resurslarının tədrükçüsü kimi mövqeyini daha da möhkəmlədəcəyik", - deyə o əlavə edib. Amerika şirkətinin 100-dən çox ölkə ilə iş təcrübəsi var.
"Bu sahədə uzunmüddətli əsasda əməkdaşlıq Türkmənistanda təbii qazın istehsalının birgə əhəmiyyətli dərəcədə artırılmasına nail olmağa imkan verəcək ki, bu da ölkənin əsas strateji məqsədlərindən biridir", - Uçikura bildirib.
Şirkətin arsenalında yüksək dərəcəli texnologiyalar və seysmik kəşfiyyat işlərinin aparılması, təbii qaz olan yataqların istismara verilməsi işləri mövcuddur. Sənaye fəaliyyətinin xam neft və təbii qaz, o cümlədən kəşfiyyat və hasilat, istehsal, satış və nəql ilə əlaqədar bütün spektri üzrə təcrübəyə malikdir.
