Azərbaycan, Bakı, 24 noyabr / Trend /
Azərbaycan hökümətinin Beynəlxalq Yenidənqurma və İnkişaf Bankından aldığı kreditın bir hissəsi çərçivəsində, ölkənin Nəqliyyat Nazirliyi avtomobil yollarının vəziyyəti haqqında məlumat toplanılması və inventarizasiyası üzrə tender elan edir. Bu barədə "Xalq" qəzetində yerləşdirilən məlumatda deyilir.
Azərbaycan Nəqliyyat Nazirliyi "Azəryolservis" ASC tender iştirakçılarını avtomobil yolları şəbəkəsi sahələrındə geodeziya işlərinin aparılmasına və başa çatdırılmasına dair işlər barədə, yol örtüyü şəbəkəsi, yol örtüyünün vəziyyəti barədə illik məlumatın toplanılması, həmçinin yolların nahamarlığına dair məlumatın toplanılması, həndəsi xüsusiyyətləri, yol örtüyünün dağılması, o cümlədən avtomobil şəbəkəsi üzrə video materialların toplanılmasına dair öz təkliflərini təqdim etməyə dəvət edir.
Tender təklifləri lazımi sənədlərlə birlikdə 2010-cu il yanvar ayının 12-si, saat 17:00 kimi "Azəryolservis" ASC-yə təqdim edilməlidir. Tender təklifləri elə həmin gün açıqlanacaq.
