Azərbaycan, Bakı, 25 fevral / Trend /
ARDNŞ (Azərbaycan Respublikası Dövlət Neft Şirkəti) "Cəfərli" və "Muradxanlı" yataqlarında qazma işləri aparır. Bu barədə şirkətin cümə axşamı yayılan məlumatında deyilir.
"Cəfərli" yatağındakı iki quyunun layihə dərinliyi 4050 metrdir. Quyunun birində qazma işləri başa çatmaq üzrədir. Hər bir quyudan sutkada 30 ton ton neft hasilat etmək planlaşdırılır.
Həmçinin "Muradxanlı" yatağındakı quyunun qazma işləri də son mərhələdədir. Bu quyunun layihə dərinliyi 4150 metr, planlaşdırılmış sutkalıq neft debiti isə 20 ton təşkil edir.
Azərbaycanda 59 yataq var, onlardan 18-i dənizdə yerləşir.
