Azərbaycan, Bakı, 12 avqust /Trend/
Azərbaycanın Xəzərin mühafizəsi üzrə kompleks tədbirlərin aparılması növbəti illərdə də davam etdiriləcək ki, bu da onun akvatoriyasının tullantılardan daha da təmizlənməsinə və Abşeron yarımadasının çirkləndirilmiş mənbə siyahısından çıxarılmasına kömək edəcək. Bu barədə ARDNŞ-in Ekologiya İdarəsinin cümə axşamı yayılan məlumatında deyilir. Bu gün Xəzər dənizinin ətraf mühitinin qorunması günü qeyd olunur.
Məlumatda deyildiyinə görə, Azərbaycanın hasil etdiyi neftin çox hissəsi Xəzər dənizinin Azərbaycan sektorunda yerləşən yataqların payına düşür. Xəzərdə aparılan geoloji-kəşfiyyat işləri zamanı bəzi böyük neft-qaz yataqları tapılıb.
Məhz buna görə ARDNŞ 2000-ci ildən etibarən, Xəzərin ətraf mühitə təsirinin qiymətləndirilməsi üzrə monitorinqlər keçirir. Bu, dənizdə baş verən proseslərin vaxtında aşkar edilməsi, onların qiymətləndirilməsi, proseslərin inkişafının proqnozlaşdırılması, hidroloji, hidrogeoloji, hidrobioloji və hidrokimyəvi göstəricilərə daimi nəzarətin edilməsi məqsədilə aparılır.
Qazma qurğuları və digər avadanlıqların işi zamanı neft və neft məhsulları ilə çirkləndirilən, təbii dəniz dibinin qalıqlarının vəziyyətinin pozulmasının yoxlanılması üçün ildə iki dəfə monitorinq keçirilir. Mövsümi monitorinqlərin keçirilməsində məqsəd, planktonun yerləşməsinin tutumunun öyənilməsi, suyun yuxarı və aşağı səthində qidalandırıcı maddələrin tədqiqi ilə bağlıdır.
