...

Türkmənistanın qərbindəki yataqda güclü sənaye qaz axını aşkar olunub

Energetika Materials 20 Avqust 2010 11:11 (UTC +04:00)

Trend-i buradan izləyin

Türkmənistan, Aşqabad, 20 avqust /Trend, müxbir H.Həsənov/

Ölkənin qərbində yerləşən Balkan vilayətindəki Cənibi Kamışlıca yatağındakı 26 saylı quyunun qazılması zamanı 3600-3606 metr dərinlikdə məhsuldar lay aşkar edilib.

"Türkmənneft" Dövlət Konserninin verdiyi məlumata görə, güclü qaz axını 500 min kubmetrdən çox və 200 ton kondensata yaxındır.

"Bunlar yalnız ilkin hesablamalardır, qarşıda yeni quyunun dəqiq sutkalı debitinin müəyyən edilməsi, analizlər, yoxlamaların aparılması durur. Lakin artıq bu gün geoloqlar məşhur Cənubi Kamışlıca yatağında və ümumilikdə, Qoqerandağ-Okerem neft-qaz zonasında karbohidrogenlərin proqnoz ehtiyatlarının xeyli artması barədə inamla danışırlar", - məlumatın mətnində deyilir.

Yeni quyu məhsuldar layda praktik olaraq yatağın cənub qanadında yeni bloku, yeni strukturu aşkara çıxarıb. Layihə dərinliyi 3 800 metr olan yeni 28 saylı quyunun qazılması planlaşdırılır. O artıq qazılan 26 saylı quyudan 750 metr cənubda yerləşir.

Türkmənistan regionun enerji bazarında əsas oyunçulardan biridir. Xəzəryanı ölkələrdən təbii qaz Çinə, İrana və Türkiyəyə ixrac olunur.

Ölkənin yanacaq-enerji kompleksi axtarış-kəşfiyyat işlərini fəallaşdırmaq, karbohidrogen xammalının hasilatı və emalını artırmaq, nou-haunun geniş şəkildə praktikada tətbiq edilməsi və xarici tərəfdaşlarla əlaqələri genişləndirmək kursu götürüb.

Xəbər lenti

Xəbər lenti