Azərbaycan, Bakı, 18 dekabr /Trend, müxbir E.İsmayılov/
Gələn ilin yanvarında ARDNŞ (Azərbaycan Respublikası Dövlət Neft Şirkəti) Bakı şəhəri və Abşeron yarımadasının qaz sisteminin yenidən qurulması və modernləşdirilməsi çərçivəsində müqavilə imzalamaq niyyətindədir. Bu barədə şənbə günü ARDNŞ-nin "Azəriqaz" İstehsalat Birliyinin rəhbəri Əkbər Hacıyev deyib.
Müqavilənin imzalanması üçün ARDNŞ Avropanın E.ON və RWE şirkətlərinin layihə üzrə təqdim etdikləri təkliflərin qiymətləndirilməsi prosesini başa çatdırmaq niyyətindədir.
Bakı və Abşeron yarımadasının qaz sistemi ölkədə ən böyüyüdür və 650 minə yaxın abonenti əhatə edir. Onun yenidən qurulması və modernləşdirilməsi üçün mövcud infrastrukturun 90 faizi yenilənməlidir.
Əvvəllər Bakı və Abşeron yarımadasının qaz sisteminin yenidən qurulması və modernləşdirilməsi üzrə nəzərdə tutulan işlərin dəyəri bir milyard avrodan çox məbləğdə qiymətləndirilirdi.
Bir neçə il ərzində ARDNŞ ölkənin bütün qaz sisteminin yenidən qurulması və modernləşdirilməsini başa çatdırmaq niyyətindədir.
