Azərbaycan, Bakı, 5 yanvar /Trend, müxbir E.İsmayılov/
ARDNŞ (Azərbaycan Respublikası Dövlət Neft Şirkəti) 2010-cu ildə Bakı-Novorossiysk şimal boru kəməri ilə 2,24 milyon ton neft ixrac edib. Bu göstərici 2009-cu ildə 2,48 milyon ton təşkil edib. Bu barədə çərşənbə günü ARDNŞ-dən məlumat verilib.
Ötən ilin dekabrında Novorossiysk limanından 165,58 min ton neft ixrac olunub. Bu göstərici 2009-cu ilin dekabrında 140 min ton olub.
2008-ci ildə ARDNŞ Bakı-Novorossiysk boru kəməri üzrə 1,2 milyon ton neft ixrac edib. 2007-ci ildə bu marşrut üzrə 1,2 milyon ton neft ixrac olunub ki, bu da 2006-cı ilin göstəricisi ilə eynidir. 2005-ci ildə Bakı-Novorossiysk üzrə ixrac 1,6 milyon ton təşkil edib.
ARDNŞ Novorossiysk vasitəsilə şəxsi yataqlarında hasil etdiyi neftin, eləcə də Azərbaycanda quruda işləyən birgə müəssisələrin və əməliyyat şirkətlərinin neftinin göndərişini həyata keçirir.
Bakı-Novorossiysk boru kəmərinin operatoru 2007-ci ilin sonuna qədər ABƏŞ olub, sonra isə bu vəzifəni ARDNŞ-yə verib.
