...

OPEK 2011-ci ilin birinci rübündə Azərbaycanda neft hasilatının sutkada 1,12 milyon barel olacağını gözləyir

Energetika Materials 16 Fevral 2011 12:41 (UTC +04:00)

Azərbaycan, Bakı, 16 fevral /Trend, müxbir A.Bədəlova/

2011-ci ildə Azərbaycanda neft hasilatı orta hesabla gündəlik 40 min barel olmaqda sutkada 1,11 milyon barelədək arta bilər. Belə proqnozlar OPEK-in neft bazarı üzrə fevral ayı üçün məruzəsində göstərilir. Bu göstərici OPEK-in ötən ay üçün proqnozlaşdırdığı hasilat həcmindən (sutkada 10 min barel) cüzi azdır.

Kartelin məruzəsində deyildiyi kimi, ölkədə bu ilə neft hasilatı proqnozlarında azalma "Azəri-Çıraq-Günəşli" yataqlarında hasilatda zəif artımın müşahidə olunduğu 2010-cu ilin dördüncü rübündəki məlumatlarda qismən öz əksini tapır.

OPEK-in qiymətləndirmələrinə görə, 2010-cu ildə ölkədə neft hasilatı sutkada 1,07 milyon barel təşkil edib.

OPEK-in proqnozlarına görə, Azərbaycanda neft hasilatının nisbətən yüksək səviyyəsi birinci rübdə müşahidə olunacaq - sutkada 1,12 milyon barel. İkinci, üçüncü və dördüncü rüblərdə isə hasilat sutkada 1,11 milyon barel təşkil edəcək.

BP şirkətinin məlumatına görə, 2010-cu ilin əvvəllərində Azərbaycanda sübut edilmiş neft ehtiyatları 7 milyard barel təşkil edib. 2009-cu ildə ölkədə neft hasilatı sutkada 1,033 milyon barel təşkil edib ki, bu da 2008 -ci ildəki hasilatın həcmindən 13,5 faiz çoxdur.

Azərbaycanda hasil olunan neftin əsas həcmi "Azəri-Çıraq-Günəşli" dəniz yataqları blokunun payına düşür. Bu sahədə tərkibində 0,15% kükürd olan (API üzrə 35 dərəcə) Azeri Light yüngül nefti hasil olunur.

Neft hasilatında əsas həcmin - 40,2 milyon ton neftin ARDNŞ-nin (Azərbaycan Respublikası Dövlət Neft Şirkəti) iştirakı ilə xarici şirkətlər konsorsiumunu işlədiyi "Azəri-Çıraq-Günəşli" dəniz yataqları blokundan əldə olunacağı güman edilir.

"Azəri-Çıraq-Günəşli" layihəsinin iştirakçıları aşağıdakılardır: BP (operator - iştirak payının 34,43 faizi), "Chevron" (11,27 faiz), ARDNŞ (10 faiz), INPEX (10,96 faiz), "Statoyl" (8,56 faiz), "ExxonMobil" (8 faiz), TPAO (6,75 faiz), "Itochu" (4,3 faiz), "Delta Hess" (2,72 faiz).

Xəbər lenti

Xəbər lenti