Azərbaycan, Bakı, 4 avqust /Trend/
Yanvar-iyulda ARDNŞ (müştərək müəssisələr və əməliyyat şirkətləri istisna olmaqla) 91 591 metr qazma işi həyata keçirib. Bu göstərici 2010-cu ilin yanvar-iyulunda 83 260 metr olub. Bu barədə ARDNŞ-nin məlumatında deyilir.
Məlumatda deyildiyinə görə, yanvar-iyulda ARDNŞ-nin həyata keçirdiyi qazma işlərinin ümumi həcmindən 84 192 metr istismar, 7 399 metr isə kəşfiyyat qazmasının payına düşüb.
2010-cu ildə ARDNŞ 136,3 min metr qazma işi həyata keçirib. Bu göstərici 2009-cu ildə 168,2 min metr təşkil edib. Ötən il həyata keçirilən qazma işinin ümumi həcmindən 127,9 min metr istismar qazması, qalan 8 466 metr isə kəşfiyyat qazmasının payına düşüb (o cümlədən 1 785 metr struktur-axtarış qazması).
Bundan əvvəl ARDNŞ prezidenti Rövnəq Abdullayevin dediyi kimi, 2011-ci ildə şirkət 200 min metr qazma işini gerçəkləşdirməyi planlaşdırır. Xüsusilə də qarşıya qoyulan məqsədə çatmaq üçün şirkət yeni qazma avadanlığının alınmasını nəzərdə tutur.
2008-ci ildə ARDNŞ 20 min metr həcmində qazma işləri həyata keçirib. 2007-ci ildə isə bu göstərici 190,4 min metr təşkil edib.
