Azərbaycan, Bakı, 23 fevral /Trend, müxbir E.İsmayılov/
Yevlax rayonunun qaz təchizatında məhdudiyyətlər olacaq. Trend-in məlumatına görə, bu barədə cümə axşamı ARDNŞ-nin (Azərbaycan Respublikası Dövlət Neft Şirkəti) "Azəriqaz" İsrehsalat Birliyinin yaydığı məlumatda deyilir.
Cari təmir işləri ilə əlaqədar 24 fevral 2012-ci il tarixdə saat 09:00-dan 17:00-dək "Yevlax-1", "Yeni Yevlax-2", "Aran" və "Mingəçevir" qazpaylayıcı stansiyalarından təbii qaz təchizatı dayandırılacaq.
Təmir işləri aparılan müddətdə Yevlax şəhəri də daxil olmaqla, rayonun Səmədabad, Varvara, Cırdaxan, Salahlı və Balçılı kəndlərinə təbii qazın verilişində fasilələr yaranacaq.