...

2011-ci ildə Azərbaycanda 8 SES-in tikintisi davam etdirilib – Baş nazir

Energetika Materials 16 Mart 2012 16:00 (UTC +04:00)
2011-ci ildə ümumi gücü 1270 meqavatdan artıq olan iki istilik və üç su elektrik stansiyasının tikintisi davam etdirilib.
2011-ci ildə Azərbaycanda 8 SES-in tikintisi davam etdirilib – Baş nazir

Azərbaycan, Bakı, 16 mart /Trend, müxbir A.Axundov/

2011-ci ildə ümumi gücü 1270 meqavatdan artıq olan iki istilik və üç su elektrik stansiyasının tikintisi davam etdirilib.

Trend-in məlumatına görə, bu barədə cümə günü Milli Məclisin plenar iclasında Azərbaycan hökumətinin 2011-ci ildə fəaliyyəti haqqında hesabatın müzakirəsi zamanı Baş nazir Artur Rasizadə deyib.

"Ötən il elektrikötürücü xətlərin və yüksəkgərginlikli stansiyaların yaradılması, paylayıcı sistemlərin yenidən qurulması üzrə böyük həcmdə işlər yerinə yetirilib", - Rasizadə bildirib.

Onun sözlərinə görə, alternativ və bərpa olunan enerji mənbələrindən istifadənin genişləndirilməsi məqsədilə konkret pilot layihələr həyata keçirilib.

"Qobustan rayonunda eksperimental poliqon və hibrid tipli elektrik stansiyası tikilib, müşahidə-nəzarət stansiyaları quraşdırılıb, treninq mərkəzi istismara verilib", - Rasizadə deyib.

Baş nazirin sözlərinə görə, ölkənin müxtəlif rayonlarında səkkiz su elektrik stansiyasının tikintisi davam etdirilib, Sumqayıtda günəş batareyalarının istehsalı üzrə müasir zavodun tikintisi isə başa çatmaq üzrədir.

Xəbər lenti

Xəbər lenti