Azərbaycan, Bakı, 16 aprel /Trend, müxbir E.İsmayılov/
Sabunçu və Xəzər rayonlarının qaz təchizatında məhdudiyyətlər olacaq. Trend-in ARDNŞ-nin (Azərbaycan Respublikası Dövlət Neft Şirkəti) "Azəriqaz" İstehsalat Birliyinə istinadən verdiyi məlumata görə, təmir işləri ilə əlaqədar aprelin 17-də saat 10.00-dan "Zabrat-2" Qazpaylayıcı Stansiyasından təbii qaz təchizatı dayandırılacaq.
Təmir işləri müddətində Xəzər rayonunun Buzovna və Albalılıq, Sabunçu rayonunun isə Zabrat, Maştağa və Nardaran qəsəbələrinə təbii qazın verilişində fasilələr yaranacaq.