Azərbaycan, Bakı, 18 sentyabr /Trend/
"Pirallahı adası-quru" yatağında yeni quyular qazılır.
Trend ARDNŞ-nin rəsmi saytına istinadən məlumat verir ki, Kompleks Qazma İşləri Trestinin "Abşeron" Qazma İşləri İdarəsi "Pirallahı adası-quru" yatağında 2 yeni quyuda qazma işlərinə başlayıb.
1097 nömrəli quyunun layihə dərinliyi 815, 1131 nömrəli quyunun layihə dərinliyi isə 650 metrdir.
Qeyd edək ki, "Abşeronneft" NQÇİ-nin sifarişi ilə qirməki altı lay dəstəsinə qazılan quyuların hər birindən sutkada 4 ton neft hasil ediləcəyi nəzərdə tutulub.