...

Azərbaycanda günəş batareyalarının istehsalı alternativ enerji mənbələrinin inkişafı prosesini ucuzlaşdırır

Energetika Materials 20 Noyabr 2013 13:52 (UTC +04:00)

Azərbaycan, Bakı, 20 noyabr /Trend, müxbir E.İsmayılov/

Azərbaycanda günəş batareyalarının istehsalı ölkədə alternativ enerji mənbələrinin inkişafı prosesini ucuzlaşdırır. Trend-in məlumatına görə, bunu çərşənbə günü jurnalistlərə Alternativ və Bərpa Olunan Enerji Mənbələri üzrə Dövlət Agentliyinin sədri Akim Bədəlov deyib.

Onun sözlərinə görə, Sumqayıtda günəş batareyalarının istehsalına başlanılması əlavə iş yerlərinin açılması ilə yanaşı, qiymətlərin və xarici istehsalçılardan asılılığın azalması anlamına gəlir: "Ölkədə alternativ enerji mənbələrinin inkişafı üzrə işlər davam edir".

Xüsusi ilə Samux rayonunda aqroenerji kompleksinin yaradılması layihəsi çərçivəsində işlər davam edir ki, bu da elektrik enerjisinin istehsalında kənd təsərrüfatı tullantılarından istifadə imkanlarını genişləndirməyə imkan verəcək.

A.Bədəlov qeyd edib ki, dövlət bu istiqamətə artıq 10 milyon manat ayırıb və yaxın illərdə bu iri layihənin reallaşdırılmasının nəticələrini görmək mümkün olacaq: "Qobustan rayonunda alternativ enerji mənbələri üzrə poliqonun inkişafına dair işlər davam edir".

Onun fikrincə, perspektivdə Azərbaycan elektrik mobillərdən istifadənin canlanmasını gözləyir və onların elektrik enerjisi ilə doldurulması aktual məsələ olacaq. "Günəş texnologiyaları"nın tətbiqi bu elektrik mobillərin doldurulmasının təşkilində səmərəli metod ola bilər.

Məqalədə:
Xəbər lenti

Xəbər lenti