Azərbaycan, Bakı, 28 dekabr /Trend/
"8 Mart" yatağındakı 730 nömrəli dərin dəniz özülündən 732 nömrəli quyu qazmadan sonra istismara verilmişdir.
Trend ARDNŞ-nin saytına istinadən xəbər verir ki, "Sahil" Dəniz Qazma İşləri İdarəsi tərəfindən Məhsuldar Qatın VIII horizontuna qazılmış quyu 5765-5718 metr intervaldan sutkalıq 14 ton kondensat və 175000 kubmetr qaz hasilatı ilə istismar fonduna qəbul edilmişdir.
Qeyd edək ki, quyu N.Nərimanov adına NQÇİ-nin sifarişi ilə qazılmışdır.