...

BP Azərbaycan iri dəniz yatağındakı yeni platformada neft hasilatına başlayıb (ƏLAVƏ OLUNUB)

Energetika Materials 29 Yanvar 2014 12:45
"Azəri-Çıraq -Günəşli" dəniz yataqları blokunun işlənməsi layihəsinin operatoru BP şirkəti yanvarın 29-da "Qərbi Çıraq" platformasını istifadəyə verib və neft hasilatına başlayıb.
BP Azərbaycan iri dəniz yatağındakı yeni platformada neft hasilatına başlayıb (ƏLAVƏ OLUNUB)

Trend-i buradan izləyin

Azərbaycan, Bakı, 29 yanvar /Trend, müxbir E.İsmayılov/

"Azəri-Çıraq -Günəşli" dəniz yataqları blokunun işlənməsi layihəsinin operatoru BP şirkəti yanvarın 29-da "Qərbi Çıraq" platformasını istifadəyə verib və neft hasilatına başlayıb. Bu barədə çərşənbə günü Trend-ə Azərbaycanın neft-qaz bazarındakı mənbə bildirib.

Qeyd edək ki, yeni platformanın tikintisi AÇG blokunda neft hasilatının artırılmasını nəzərdə tutan "Chirag oil project" layihəsi çərçivəsində aparılıb.

Platforma dənizin 170 metr dərinliyində artıq oarada fəaliyyət göstərən "Çıraq" və "Günəşli" hasilat platformalarının arasında quraşdırılıb. "Chirag oil project" altı milyard dollar həcmində investisiyanı nəzərdə tutur.

AÇG-də neft hasilatının artırılması çərçivəsində tikiləcək yeni platformadan "Azeri Light" növlü neftin hasilatının planlaşdırılan sutkalıq həcmi 183 min barel təşkil edəcək. Yeni platformadan səmt qazının gözlənilən sutkalıq həcmi 6,5 milyon kubmetri ötəcək. Layihənin həyata keçirilməsi çərçivəsində 300 milyon barel neft hasilatı planlaşdırılır.

"Azəri-Çıraq-Günəşli" layihəsinin iştirakçıları aşağıdakılardır: BP (operator - 35,78 faiz iştirak payı), "Chevron" (11,27 faiz), AzACG (11,65 faiz), INPEX (10,96 faiz), "Statoil" (8,56 faiz), "ExxonMobil" (8 faiz), TPAO (6,75 faiz), "Itochu" (4,3 faiz), "Delta Hess" (2,72 faiz).

Məqalədə:
Xəbər lenti

Xəbər lenti