Azərbaycan, Bakı, 17 fevral /Trend, müxbir E.İsmayılov/
"Azərbaycan-Gürcüstan-Türkiyə enerji körpüsü" layihəsinin reallaşdırılması kommersiya danışıqları mərhələsindədir. Bu barədə Trend-ə layihəyə yaxın mənbə bildirib.
Onun sözlərinə görə, Azərbaycanda, eləcə də Gürcüstan və Türkiyədə bütün texniki məsələlər həll edilib və yalnız bu layihə çərçivəsində elektrik enerjisinin kommersiya tədarükü ilə bağlı məsələ həll olunmamış qalır: "Bütün texniki işlər artıq başa çatıb və hazırda kommersiya məsələləri həll olunur, bu proses böyük ehtimalla yaxın vaxtlarda başa çatacaq".
Mənbə əlavə edib ki, Azərbaycanda bu mərhələdəki bütün danışıqlar və müzakirələr ölkənin Energetika Nazirliyi səviyyəsində aparılır.