Azərbaycan, Bakı, 23 sentyabr /Trend, müxbir Emil İsmayılov/
Alternativ və Bərpa Olunan Enerji Mənbələri üzrə Dövlət Agentliyi İranda alternativ enerji sahəsindəki layihələrdə iştirak imkanını öyrənməyi planlaşdırır.
Trend-in məlumatına görə, bu barədə jurnalistlərə Caspian European Club-ın (CEIBC) təşkil etdiyi növbəti biznes forum çərçivəsində agentliyin rəhbəri Akim Bədəlov bildirib.
Onun sözlərinə görə, iqtisadiyyat və sənaye naziri Şahin Mustafayevin başçılıq etdiyi nümayəndə heyətinin tərkibində bu yaxınlarda İrana səfəri zamanı bir sıra görüşlər keçirib: "Biz İranda alternativ enerjinin inkişafı ilə tanış olduq. Bəzi layihələrin müzakirəsi aparıldı. Hazırda İrana orada aparılan işlərdə iştirak etmək üçün ekspert qrupumuzu göndərməyə hazırıq".
