Azərbaycan, Bakı, 7 oktyabr /Trend, müxbir Emil İsmayılov/
Avropa Yenidənqurma və İnkişaf Bankı (AYİB) 2015-ci il yanvarın 28-də Rusiyanın "Lukoyl" şirkətinə kredit ayrılması məsələsi üzrə yekun qərar qəbul edəcək.
Trend-in AYİB-in rəsmi saytına istinadən verdiyi məlumata görə, kredit şirkətə Xəzərin Azərbaycan sektorundakı "Şahdəniz" qaz-kondensat yatağının işlənməsinin ikinci mərhələsinin reallaşdırılması çərçivəsində ayrılır.
Kreditin ümumi dəyəri bir milyard dollar təşkil edir. Bu məbləğin yarısı AYİB və Asiya İnkişaf Bankının (AİB) sindikatlaşdırılmış krediti şəklində təqdim olunacaq.
Qeyd edək ki, "Lukoyl" şirkəti "Şahdəniz" yatağının işlənməsi layihəsində 10 faizlik iştirak payına malikdir.