Azərbaycan, Bakı, 3 noyabr /Trend, müxbir Emil İsmayılov/
Türkiyənin "Botas International Limited" (BIL) şirkəti 2006-cı il iyunun 2-dən və 2014-cü il noyabrın 1-dək Ceyhan neft terminalından 2013-cü il noyabrın əvvəlindəki 1,8 milyard barelə qarşı 2,06 milyard barel neft yükləyib. Bu barədə Trend BIL-in saytına istinadən məlumat verir.
BIL 2001-ci ildən etibarən Bakı-Tbilisi-Ceyhan (BTC) neft kəmərinin Türkiyə ərazisində istismarı ilə məşğul olur.
Hesabat dövründə terminaldan 2013-cü ilin noyabrın əvvəlindəki 2330 tankerə qarşı 2694 tanker yüklənib.
BTC-nin səhmdarları BP (30,1 faiz); AzBTC (25 faiz); Chevron (8,9 faiz); Statoil (8,71 faiz); ТРАО (6,53 faiz); Eni (5 faiz); Total (5 faiz); Itochu (3,40 faiz); Inpex (2,5 faiz); ConocoPhillips (2,50 faiz) və ONGC (2,36 faiz) şirkətləridir.
