Bakı. Maksim Tsurkov - Trend:
Sumqayıtda Azərbaycan Respublikası Dövlət Neft Şirkətinin (SOCAR) karbamid zavodunun tikintisi üzrə işlərin 98,1 faizi başa çatıb.
Trend-in məlumatına görə, bunu karbamid zavodunun direktoru Xəyal Cəfərov Bakıda keçirilən Beynəlxalq Neft Sammitində çıxışı zamanı deyib.
O qeyd edib ki, mühəndislik işləri və avadanlıqların alınması 100 faiz, tikinti işləri 93,3 faiz və montaj işləri 88,5 faiz yekunlaşıb:
"Zavodun tikintisi üzrə bütün işlərin ilin sonunadək başa çatdırılması planlaşdırılır. Gələn ilin əvvəlində buraxılış-sazlama işlərinə başlanılacaq. İstehsala isə 2018-ci ilin birinci yarısında start veriləcək".