Bakı. Ləman Zeynalova, Orxan Nəbiyev - Trend:
Yunanıstan parlamenti Yunanıstan-Bolqarıstan interkonnektorunun (IGB) tikintisinə icazə verən qanun layihəsini ratifikasiya edib.
Trend-in məlumatına görə, qanun layihəsini hakim "Yeni demokratiya" partiyası ilə yanaşı iki müxalifət partiyası da dəstəkləyib.
Qeyd edək ki, Bolqarıstan artıq IGB ilə bağlı ikitərəfli əməkdaşlıq sazişini təsdiq edib.
IGB layihəsi hazırda tikinti mərhələsindədir. Yunanıstan ətraf mühit və energetika naziri Kostas Skrekas bildirib ki, tikintinin 52 faizi başa çatıb və layihənin bu ilin sonunadək hazır olunnması gözlənilir.
IGB daha sonra Azərbaycan qazını Avropaya nəql edən Trans-Adriatik boru kəməri (TAP) ilə birləşəcək.