Bakı. Trend:
2022-ci ildə Azərbaycanda maye karbohidrogen hasilatının bir qədər artacağı və orta hesabla 0,7 milyon barel/sutka təşkil edəcəyi gözlənilir.
Trend bu barədə OPEC-in bugünkü aylıq hesabatına istinadən məlumat verir.
Bu göstərici əvvəlki proqnozla müqayisədə 14 min barel/sutka azalıb.
Hesabatda qeyd olunur ki, 2022-ci ilin avqustunda Azərbaycanda maye karbohidrogen hasilatı əvvəlki ayla müqayisədə dəyişməz qalıb və ötən ilin eyni dövrü ilə müqayisədə isə 52 min/barel sutka artaraq 0,7 milyon barel/sutka təşkil edib.
"Rəsmi mənbələrə əsasən, xam neft hasilatı orta hesabla 554 min barel/sutka təşkil edib. 2022-ci ildə ölkədə yeni neft layihələrinin işə salınması gözlənilmir, köhnə yataqlardakı azalma isə digər yataqlardan hasilatın artırılması hesabına kompensasiya olunacaq", - hesabatda deyilir.