2006-cı ildə Naxçıvanda 4,5 MVt gücündə Heydər Əliyev adına Vayxır su elektrik stansiyası istismara veriləcək. Bu barədə Trend ə Azərenerji SC-dən məlumat verilib.
2005-ci ilin əvvəlindən tikilən SES Vayxır su anbarının əsasında yerləşib. 550 m uzunluğunda və 75 m enliyində olan bu anbar 100 mln m3 su tutumuna malikdir.
NMR-in energetika idarəsinin rəisi Yasin Səfərovun sözlərinə görə, tikinti işlərinin 3-4 aydan sonra başa çatacağı gözlənilir. Layihə Türkiyənin NMR-in Nazirlər Kabineti ilə saziş bağlamış Cengiz və Cennet şirkətləri tərəfindən həyata keçirilir. Onun dəyəri $5,8 milyondur. Bu vəsaitin 40%-ni NMR NK ayırmaq niyyətindədir. "Tikinti işlərinin həyata keçirilməsi üçün bütün zəruri materiallar əldə olunub, Avropa və Asiya zavodlarından alınmış əsas avadanlıqlar respublikaya gətirilib", - deyə o qeyd edib.