TRACS International Consultancy Ltd. Eurasia Energy Limited (keçmiş Pacific Alliance Ientures Ltd.) şirkətinin operatorluğu öz üzərinə götürəcəyi perspektiv dəniz "Blok"u üzrə məlumatların tam analizini aparır. TRACS International Consultancy şirkətinin yaydığı press-relizdə bildirilir ki, şirkət "Blok"un mövcud yataqlarının qiymətləndirilməsini aparır. Əvvəllər burada karbohidrogen ehtiyatlarının həcminin analizi, gələcəkdə hasilatın imkanlarını müəyyən etmək məqsədilə neft hasil edilirdi.
Sənəddə göstərilir ki, şirkət "Blok"da mövcud olan infrastrukturun gücünü və tamlığını qiymətləndirəcək və layihənin iqtisadi məqsədəyönlüyünü müəyyən edəcək. "TRACS həmçinin, "Blok"un hasilatın sxemi və onun dəyəri də daxil olmaqla digər hissələrində də potensial hasilatı qiymətləndirəcək", - deyə press-relizdə bildirilir.
Dəniz "Blok"una "Ələt-Dəniz", "Hamamdağ-Dəniz", "Qarasu", "Səngi-Muğan", "Ülfət", "Aran-Dəniz", "Daşlı" və "Səbail" kimi yataqları özündə birləşdirir. "Blok"da suyun dərinliyi 20 metrdən 50 metrədəkdir. "Ələt-Dəniz" yatağı 1983-cü ildə aşkar edilib və bu günə kimi oradan 12,5 mln. barel neft və 1 mlrd. kubmetr qaz hasil edilib. ARDNŞ-in məlumatına görə, burada gündəlik neft hasilatı 14 quyudan 750 barel və 100 min kübmetr qaz təşkil edir.
"Ələt-Dəniz"də yerdə qalan neft ehtiyatları 15 mln. barel neft və 1 mlrd. kubmetr qaz təşkil edir. Əsas məhsuldar laylar 3,700-4,500 metr dərinlikdə yerləşir.