ARDNŞ-ə məxsus olan Azerbaijan (ACG) Limited (AzACG) $750 mln. həcmində sindikatlaşdırılmış kreditin alınması ilə "Azəri-Çıraq-Günəşli" (AÇG) layihəsinin işlənib hazırlanması çərçivəsində sərmayə qoymaq hüququnu faktiki olaraq geri alıb.
ARDNŞ-də Trend ə bildirilib ki, bundan öncə Exxon Azerbaijan Limited və Türkiyə Petrolleri A.O. ARDNŞ-in AÇG-dəki sərmayə qoymaq hüququnun 10%-ni bərabər hissələrə bölüb və özləri AR DNŞ-in layihəsinə vəsait qoyaraq buna görə (maraqlar nəzərə alınmaqla) neft alıb.
"AzACG $750 mln. həcmində kredit alaraq Exxon Azerbaijan Limited və Türkiyə Petrolleri A.O. şirkətindən bu hüququ geri alıb. Vəsaitin bir hissəsi artıq hüququn alınması üçün göndərilib, digər hissəsi isə AÇG layihəsində birbaşa sərmayə qoyulması üçün istifadə olunacaq" -deyə ARDNŞ-də bildirilib.
Şirkət nümayəndəsinin sözlərinə görə, kredit sazişinə əsasən öncə Exxon Azerbaijan Limited və Türkiyə Petrolleri A.O. şirkətlərinin ixrac etdiyi nefti AzACG iki şirkətə - Glencore və Select Energy Trading (SET) şirkətlərinə satacaq. Bu neftdən (cost oil) əldə olunan BNP Paribas-da (bu bank AzACG üçün kreditin təşkilatçısı və zaminidir) olan xüsusi hesaba yatırılacaq, oradan da AÇG layihəsində cash call əsasında investisiyalar həyata keçiriləcək.
Cost oil xammalının ixrac istiqamətində prioritetləri ARDNŞ-də hər şeydən öncə, Gürcüstanın Supsa limanındakı terminalı, sonra Batumi və Novorossiysk limanı olaraq qeyd olunub.
ARDNF rəhbəri Samir Şərifov bildirib ki, kredit (LIBOR 1,7%) 3-5 il ərzində neftin dünya bazarındakı qiymətindən asılı olaraq qaytarılacaq.
