Bakı-Tbilisi-Ceyhan kəmərinin Türkiyə hissəsinin tikintisilə məşğul olan Botas BTC Co. şirkətinə qarşı $392 mln. həcmində iddia irəli sürüb. Hazırda bu məsələyə BTC Co. şirkətinin tərəfdaşları tərəfindən baxılır. Trend agentliyinin məlumatına əsasən, bu barədə jurnalistlərə ARDNŞ-nin Xarici İnvestisiyalar İdarəsinin rəhbəri Vaqif Əliyev bildirib.
Tərəfdaşların da türk şirkətinə qarşı öz iddiaları var. Bu iddialar texniki, texnoloji, hüquqi və kommersiya məsələlərinə aiddir. Beynəlxalq Audit Şirkəti Botas-ın iddialaranı qiymətləndirdikdən sonra BTC Co. məsələnin arbitraj məhkəməsinə çatmamış həll olunması üçün şirkətə $250 mln. vəsaitin verməyi qərarlaşdırdı. Lakin Botas bu təklifi rədd etdi. Ola bilsin ki, məsələ arbitraj məhkəməsi vasitəsilə həll olunsun.
Məlumatlı mənbələriin Trend ə bildirdiyinə görə, türk şirkəti bu məsələni qısa müddətdə həll etmək niyyətindədir Belə ki, şirkət çünki layihənin müddəti ilə əlaqədar tərəfdaşlara təzyiq etmək iqtidarındadır. Tikinti üzrə digər podratçıların da analoji iidiaları var, lakin onların təsir imkanları məhduddur.
İlkin hesablamalara əsasən, BTC layihəsinin dəyəri 30% artıb. (ilkin rəqəm $2,95 mlrd. təşkil edirdi). Kəmərin texniki neft ilə doldurulması üçün daha $600 mln. tələb olunur. Bundan əlavə, kreditlərin qaytarılmasını da nəzərə almaq lazımdır.
