İtaliyanın ENİ konserni illik dünya neft-qaz icmalında elan edib ki, Azərbaycanın neft ehtiyatları 2003-cü ildən dəyişməyib və 1 yanvar 2006-cı il üçün 7 milyard barel təşkil edib. Beləliklə, ENİ konserninin ölkənin neft ehtiyatlarını qiymətləndirməsi 1994-cü ildən 5,83 dəfə artıb.
Şirkətin məlumatlarına görə, 2005-ci ildə Azərbaycanda neft sərfiyyatı artıb və gündə 96 min barel təşkil edib, bu isə ötən ildəkindən sutkada 1 min barel azdır. 1994-cü ildə Azərbaycandakı neft sərfiyyatı sutkada 144 min barel təşkil edib.
ENİ öz hesabatında göstərir ki, Azərbaycanda 1 yanvar 2006-cı il üçün qaz ehtiyatları 1,37 trilyon kub metr təşkil edib. Bu göstərici 2000-ci ildən (həmin il daxil olmaqla) dəyişməz qalıb. 1994-cü ildən 1999-cu ilə qədər (həmin il daxil olmaq şərti ilə) ENİ ölkənin qaz ehtiyatlarını 900 milyard kub metr həcmində qiymətləndirib.
