BP illik dünya neft-qaz icmalında elan edib ki, Azərbaycanın neft ehtiyatları 2004-cü ildən dəyişməyib və 2005-ci ilin sonunda 7 milyard barel (1 milyard ton) təşkil edib.
Şirkətin məlumatlarına görə, Azərbaycanın neft hasilatı 2005-ci ildə ötən ilə nisbətən sutkada 135 min barel ( və ya 42,8%) artaraq, 452 min barelə çatıb. Azərbaycanda neft sərfiyyatı, BP-nin məlumatlarına görə, 2005-ci ildə 2004-cü ilə nisbətən 11,3% artıb və gündə 103 min barel təşkil edib.
BP öz hesabatında göstərir ki, 2005-ci ilin sonunda Azərbaycanın qaz ehtiyatları 1,37 trilyon kub metr təşkil edib və bu 2004-cü ilin sonundakı nəticələrlə eynidir. 2005-ci ilin sonunda Azərbaycanın neft hasilatı 5,3 milyard kub metr təşkil edib, bu isə 2004-cü ildəkindən 13,9% çoxdur. BP-nin məlumatlarına görə, Azərbaycanın qaz sərfiyyatı 2005-ci ilin sonunda 2004-cü ildəkindən 3 % artaraq, 8,8 milyard kub metr təşkil edib.
İtaliyanın ENİ konserninin qiymətləndirməsinə görə, Azərbaycanın neft ehtiyatları 2003-cü ildən dəyişməyib və 1 yanvar 2006-cı ildə 7 milyard barel təşkil edib. 1 yanvar 2006-cı ilə görə Azərbaycanın qaz ehtiyatları 1,37 trilyon kub metr təşkil edib. Bu göstərici 2000-ci ildən (daxil olmaqla) bəri dəyişməz qalıb. 1994-cü ildən 1999-cu ilə qədər (həmin il daxil olmaqla) ENİ ölkənin qaz ehtiyatlarını 900 milyard kub metr həcmində dəyərləndirib.
