2006-cı ilin yanvar-iyun aylarında Dövlət Neft Şirkəti 67 683 metr həcmində qazıntı işləri aparıb. Trend in verdiyi xəbərə görə, bu barədə ARDNŞ-dən bildiriblər. İşin həcmi verilən proqnozdan 4 434 metr, ötən ilə nisbətən isə 1 019 metr çoxdur. 2006-cı ilin iyun ayında yataqlarda 13 424 metr qazılıb.
Bu ilin altı ayı ərzində istismar qazıntılarının həcmi 66 783 metr təşkil edib. Bu, həmin dövrün proqnozundan 4 339 metr, ötən ildə olduğundan 779 metr çoxdur. İyun ayında istismar qazıntıları 12 774 metr təşkil edib.
Yanvar-iyun aylarında kəşfiyyat qazıntıları 900 metr təşkil edib. Bu göstərici proqnozdan 95 metr, ötən ilin göstəricisindən isə 240 metr çoxdur. İyun ayında kəşfiyyat qazıntıları 650 metr təşkil edib.
