PremiumGobustan Operating Company qaz hasilatını artırıb

2006-cı ilin yanvar-iyun aylarında Azərbaycanın onşor yataqlarında işləyən birgə müəssisələr və əməliyyat şirkətləri tərəfindən 57 mln. 379 min kub metr qaz hasil olunub. Bu rəqəm ötən ilki göstəricidən 13,4% çoxdur.

Ən çox məhsul "Kürsəngi-Qarabağlı" müqavilə sahəsini istismar edən "Salyan oil" əməliyyat şirkətinin payına düşüb. Bu şirkət yanvar-iyun aylarında 20 mln. 246 min kub metr qaz hasil edib. Şirkət bu qazı öz ehtiyaclarının ödənilməsi üçün istifadə edir və təzyiqin saxlanılması üçün laylara vurur. Lakin ötən ilki göstəricilərə nisbətən bu il 29,4% az qaz hasil edib.

Ən az qaz isə "Az.Şeng-Li" MMC-nin payına düşüb. Bu şirkət yanvar iyun aylarında 85 min kub metr qaz hasil edib ki, bu da ötən ilki göstəriciyə nisbətən 50% azdır.

Ən böyük geriləmə isə "Binəqədioyl" şirkətinin hasilatında müşahidə olunur. Bu şirkət 3 mln. 128 min kub metr qaz hasil edib ki, bu da ötən ilin müvafiq dövri ilə müqayisədə 59,9% azdır.

Hazırda ARDNŞ qazı "Anshad Petrol" və "Gobustan Operating Company" şirkətlərinə satır. Sonuncu yanvar-iyun aylarında 4 mln. 518 min kub metr qaz çıxarıb ki, Bu da ötən ilki göstəricilə müqayisədə 2706,2% çoxdur.

İyunda "Suraxanı oil" əməliyyat şirkəti də hasilata başlayıb. Şirkət 388 min kub metr qaz hasil edib ki, bu da ötən ilki rəqəmə nisbətən 53,9% azdır.

Birgə müəssisələr və əməliyyat şirkətlərinin hasilat cədvəli aşağıdakı kimidir: (min kub metr)