Azərbaycan Dövlət Neft Şrkəti "Neft daşları" yatağında 1887 saylı platformadan qazılmış yeni quyunu istismara verib. Trend in xəbər verdiyi kimi, bu barədə ARDNŞ-dən məlumat verilib.
Bu quyu 2550 metr dərinlikdə qazılıb və sutkada 105 ton neft verir. Ötən ay ərzində bu platformadan gün ərzində birlikdə 365 ton neft verən 3 fontan quyusu istismara verilib. Hazırda mütəxəssislər bu sahədə sayca dördüncü quyunun mənimsənilməsinə hazırlaşır.
Dəqiqləşdirilmiş məlumatlara görə, ''Neft daşları'' yatağının beşinci blokunda 8 milyon ton çıxarıla bilən neft ehtiyatı var. Xəbər verildiyi kimi, 1887 N-li platformadan ümumiyyətlə 36 quyu qazmaq nəzərdə tutulub ki, onlardan sutka ərzində 1000 ton neft əldə ediləcək.