Trend xəbər verir ki, Azərbaycanın sənaye və energetika naziri Natiq Əliyev Cənubi Koreyanın kommersiya, sənaye və energetika naziri Çon Se Qyunun dəvəti ilə oktyabrın 15-də bu ölkəyə səfər edəcək. N. Əliyevin bu gün jurnalistlərə xəbər verdiyi kimi, rəhbərlik etdiyi nümayəndə heyətinə həmçinin bir neçə Azərbaycan müəssisəsinin nümayəndələri daxil olacaq.
Onun sözlərinə görə, səfərdə əsas məqsəd qeyri-neft sektorunun inkişafıdır. "Azərbaycan bəzi sənaye sahələrini inkişaf etdirmək üçün bütün istehsal potensialından və Cənubi Koreyanın yeni texnologiyalarından istifadə etmək istəyir", - deyə N. Əliyev bildirib.
O qeyd edib ki, bölgələrdə fəaliyyət göstərən Azərbaycan müəssisələrində bəzi problemlər aşkarlanıb. "Biz hər bir müəssisəyə dövlət yardımı ilə bağlı təkliflər hazırlayırıq", - deyə o bildirib.
