Noyabrda "Şahdəniz" qaz-kondensat yatağındakı birinci quyudan qaz hasilatına başlanacaq. Trend in xəbər verdiyi kimi, bu barədə oktyabrın 25-də ARDNŞ-in birinci vitse-prezidenti Xoşbəxt Yusifzadə məlumat verib.
Onun sözlərinə görə, yataqda qazılmış öncəqazma quyularında aparılan işlər zamanı problemlər var idi və hazırda onlar həll olunub. Noyabrda birinci quyudan qaz hasilatına başlanacaq.
Bu il yataqdan 1 mlrd. 200 mln. kub metrədək qaz hasil ediləcəyi nəzərdə tutulur. Daha əvvəl isə 850 mln. kub metr qaz hasil ediləcəyi planlaşdırılırdı. Ancaq bu göstərici artıb.
Yataqda dördüncü quyu qazılıb və onun nəticələrinin qiymətləndirilməsinə görə məlum olub ki, bu ilin sonunadək "Şahdəniz" yatağından 1 mlrd. 140 mln.- 1 mlrd. 200 mln. kub metr qaz hasil ediləcək.
Müqaviləyə əsasən, yataqdan hasil edilən qaz Azərbaycan, Türkiyə və Gürcüstanda, o cümlədən kiçik hissə BTC Co şirkətinə satılacaq.