Səngəçal terminalında "Şahdəniz" qaz-kondensat yatağından qaz qəbul edən qurğularda texniki işlər davam edir. Bu işlər yaxın vaxt ərzində başa çatacaq. Bu barədə Trend ə BP Azerbaijan şirkətindən məlumat verilib.
İşlər başa çatdıqdan sonra birinci quyu öz işini davam etdirəcək. Hazırda yatağın işlənməsi üzrə Mərhələ -1 çərçivəsində quraşdırılmış TPG-500 platformasında ikinci quyu birləşdirilir.
Hasilat bərpa olunduqdan sonra quyudan çıxarılan qaz Bakı-Tiflis-Ərzurum boru kəmərinin təzyiq altında sınanması üçün Azərbaycanın istifadə olunmuş qaz borcunun ödənilməsinə yönəldilib. Bu tələbat üçün istifadə olunmuş qazın təxmini həcmi 36 mln. kub metrdir.
Birinci quyudan hasil edilən bütün qaz çox ehtimal ki, Azərbaycana, digər quyular işə salındıqdan sonra isə Türkiyə və Gürcüstana satılacaq.
Bu proqram çərçivəsində yataqda cəmi 4 quyu qazılıb.
