Azərbaycan Beynəlxalq Əməliyyat Şirkəti 2007-ci ilin I rübündə Bakı-Novorossiysk şimal marşrutu kəməri ilə ay ərzində 400 min ton neft nəql olunacağını bəyan edib. Bu barədə Trend ə Azərbaycan Dövlət Neft Şirkətindən xəbər veriblər.
ABƏŞ Bakı-Novorossiysk marşrutu ilə 2007-ci ilin I rübündə nəql olunacaq neftin əhəmiyyətini Bakı -Supsa kəmərində yanvarın sonunda bitməsi nəzərdə tutulan təmir işləri ilə izah edib.
ARDNŞ təmsilçisinin sözlərinə görə, şimal marşrutu ilə yanvarda nəql olunacaq 400min ton neftin 85 min tonu ARDNŞ-a çatacaq.
"Fevral və mart aylarında ARDNŞ-ın gəliri nəql olunan neftin ümumi həcmində 150-dən 315 min tona qədərini təşkil edəcək" - deyə ARDNŞ təmsilçisi deyib.
ARDNŞ Bakı-Novorosiysk neft kəmərinin operatoru kimi nəql olunan neftin üzərində prioritet hüquqa malikdir.
Dekabrda ARDNŞ Novorossiyskdən 1,08 milyon barrel və 620 min barrel həcmində iki neft partiyası satıb. Onların alıcıları REOS Ltd treyderidir. Neft partiyası 20-31 dekabr arasında yüklənəcək.
2006-cı ilin əvvəlində ARDNŞ tenderlərdə Novorossiyskdən 1,536 miln. ton neft satıb. ARDNŞ-dən ən çox nefti Glencore- 621 min ton, REOCLtd - 452min ton, Sunn Oil - 160 min ton, Taurus Petroilium - 140 min ton, vitol 85 min ton və Select Energy - 78 min ton alıb.