Arawak Energy Corporation Azərbaycan Dövlət Neft Şirkəti ilə (ARDNŞ) Arawak şirkətinin "Cənubi-Qərbi Qobustan" quru yatağının işlənmə layihəsi çərçivəsində hasil etdiyi sərbəst qazın qiymətinin qaldırılması imkanı üzrə danışıqların keçirildiyini bildirib.
Trend in verdiyi xəbərə görə, Arawak Energy şirkətinin məlumatında qeyd olunub ki, müqavilənin hazırki qiyməti $1.33/1 mln. BTU (təxminən $47,4/1 min m3) təşkil edir.
Yataqdakı əməliyyatlara gəlincə, sənəddə qeyd olunub ki, şirkət "Duvanı-102" və "Duvanı-108" quyularında anomal yüksək təzyiqlə bağlı problemlərin 2007-ci il fevralın sonuna qədər aradan qaldırılacağını ehtimal edir. "Kənizədağ-101" istismar quyusu hazırda sınaqdan keçirilir. Həmçinin sahil blokunda iki və üçölçülü seysmik kəşfiyyat davam edir", -deyə sənəddə göstərilib.
"Cənub-Qərbi Qobustan" müqavilə blokunun işlənməsi ilə Gobustan Operating Company (GOC) əməliyyat şirkəti məşgul olur. GOC qazı ARDNŞ-ə satır və ARDNŞ-də onu "Azəriqaz" QSC-yə ötürür, o da, öz növbəsində, yanacağı "Azəriqaz"ın tərkibinə daxil olan "Aztransqaz" İB vasitəsilə paylayır.
Gobustan Operating Company (GOC) ARDNŞ ilə bağlanmış PSA üzrə blokun işlənməsi ilə məşğul olur. Bu şirkət sərbəst qaz satışına ötən ilin fevral ayında başlayıb. GOC-da iştirakın 80%-i Commonwealth Gobustan Limited şirkətinə, 20%- isə ARDNŞ-ə məxsusdur. Commonwealth Gobustan Limited şirkətində 37,17% Arawak Energy şirkətinə, 62,83% isə - China National Petroleum Company şirkətlər qrupuna məxsusdur.
