Keçən ilin dördüncü rübü ərzində BP şirkətinin iştirakçı olduğu tikinti layihələri çərçivəsində məşğul olan Azərbaycan vətəndaşlarının sayı 2600 nəfər azalıb.
Trend xəbər verir ki, şirkətin məlumatlarına əsasən, 2006-cı ildə tikinti layihələrində məşğul olan ölkə vətəndaşlarının sayı 7 400 nəfər olub. 2006-cı iilin üçüncü rübünə dair şirkətin hesabatına əsasçən tikintidə məşğul olan vətndaşları sayı 10 min olub.
Hazırda BP-də işləyən Azərbaycan vətəndaşlarının sayı 1834 nəfərdir. 2006-cı ildə şirkət əməkdaşlarının sayı 2005-ci ilə münasibətdə 278 nəfər artıb.
Bununla yanaşı, Azərbaycanda sosial sahəyə BP şirkəti tərəfindən investisiya yatırımı keçən ilə münasibətdə bu il 4,003 mln. dollar artıq olacaq. 2007-ci ildə sosial sahəyə investisiya yatırımlarının ümumi həcmi 10,750 mln. dollar təşkil edəcək (2006-cı ildə 6,474 mln. dollar), bu vəsaitin 2,188 dolları (2006-cı ildə 2,293 mln. dollar) "Azəri"-"Çıraq"-"Günəşli" layihəsi üzrə, 2,474 mln. dollar (2006-cı ildə 1,208 mln. dollar) "Şah dəniz" yatağının işlənməsi və hasilatı ilə bağlı layihə üzrə, 4,089 mln. dollar (2006-cı ildə 3,092 mln. dollar) BTC və CQT marşrutu üzrə və 2 mln. dollar (2006-cı ildə 154 min dollar) BP-nin öz vəsaitləri üzrə olacaq.