Azərbaycan, Bakı/ Trend / Azərbaycan Dövlət Neft Şirkəti (ARDNŞ) "Günəşli-8", "Günəşli-15", və "Günəşli-19" platformalarında yeni quyuların qazılmasına hazırlaşır. Bu barədə "Azərneft" neft-qaz istehsalat birliyinin direktoru Səbuhi Əhmədov məlumat verib. Yeni qazılacaq quyular qaz hasilatı üçün istifadə olunacaq. Qazma işləri ARDNŞ-in "Kompleks qazma işləri" tresti tərəfindən aparılacaq.
Ötən ilin sonunda Azərbaycan Dövlət Neft Şirkəti qaz hasilatının artırılması üzrə proqram qəbul edib. 2008-ci ilin sonuna ARDNŞ-in qaz hasilatı illik 8 mlrd. kubmetr olmalıdır ki, bu da 2006-cı ildəkindən iki dəfə çox olacaq.
Bu proqramın həyata keçirilməsi üçün yalnız dayaz sulu Günəşli yatağında 25-dən çox quyu qazılacaq. Həmçinin infrastrukturun müasirləşdirilməsi və yeni obyektlərin tikintisi aparılır.