Azərbaycan, Bakı / Trend müxbir S.Babayeva/ 13-cü Beynəlxalq BakuTel-2007 sərgi-konfransında iştirak etmək üçün Bakıya gələn Beynəlxalq Elektroəlaqə İttifaqının baş katibi Amadun Ture Azərbaycan tərəfindən milli əlaqə peyki - "AzerSat"ın buraxılması layihəsinin reallaşdırılmasının müsbət nəticə verəcəyini düşünür. Turenin sözlərinə görə, Azərbaycanın bu məsələdə məqsədi tərifə layiqdir. Əlaqə peykinin imkanlarından videomübadilədə, ölkə teleradio proqramlarının bütün dünyada yayımlanmasında istifadə oluna bilər. "Belə potensial üstünlüklərlə layihə uğurlu ola bilər" - Ture bildirib. Azərbaycan peykinin orbital mövqeyinin müəyyənləşdirilməsi barədə suala toxunan İTU-nun başçısı bildirib ki, əgər prosedur və tələblərlə bağlı bütün məsələlərə əməl edilsə, bu sahədə heç bir problem ola bilməz. Azərbaycan İTU tərəfindən Azərbaycan peyki üçün orbital mövqeyin ayrılması məsələlərinin daxil olduğu ilkin təkliflər paketini bir neçə ay əvvəl İTU-ya təqdim edib. Azərbaycan 2008-ci ildə orbitdə yer almaq və bir neçə ildən sonra buraxılışı həyata keçirməyi planlaşdırır. Birinci mərhələdə layihənin maliyyələşdirilməsi dövlət vəsaitləri hesabına aparılacaq. Peykin ehtiyatlarının 25-30 faizi Azərbaycan tərəfindən istifadə olunacaq və qalan gücü peykin əhatə zonasına daxil olacaq ölkələrə satılacaq. "AzerSat" layihəsinin dəyəri 80-100 mln. dollar dəyərində qiymətləndirilir. Peykin əhatə zonasına Asiyanın bir hissəsi - Kazaxıstan, Türkmənistan, İran və Avropa daxil olacaq.
...
