Azərbaycan, Bakı. 26 may/ Trend / İndi NAR MOBİLE abunəçiləri yeni unikal MMS-İNFO xidmətindən istifadə edərək, maraqlı məlumatları mətnlə bərabər təsvir şəklində əldə edə bilərlər. Şirkətin verdiyi məlumata görə, əyləncə, yumor, ulduz falı və ən dadlı yeməklərin reseptləri, faydalı məsləhətlər, planetin ekzotik guşələrinin təsviri - bütün bunlar MMS-INFO xidmətində abunəçilərə təqdim olunur.
MMS-INFO xidmətindən istifadə etmək üçün maraqlandığınız rubrikanın adını SMS sorğu vasitəsi ilə 3377 nömrəsinə göndərmək kifayətdir. Rubrikaların siyahısını HELP sözünü 3377 nömrəsinə SMS sorğu vasitəsi ilə göndərməklə əldə etmək olar.
MMS-İNFO xidmətindən Nar Mobile şəbəkəsinin bütün əhatə dairəsində 24 saat ərzində istifadə etmək mümkündür. Sorğuya cavab operativ olaraq bir neçə saniyə müddətində göndərilir.
Azərbaycanda GSM standartlı mobil rabitə xidmətləri göstərmək üçün AZERFON BM (Nar Mobile ticarət nişanı) 2005-cı ildə lisenziya alıb. Şirkət kommersiya fəalliyyətinə 21 mart 2007-ci il tarixində Nar Mobile ticarət nişanı ilə başlamışdır. Hazırda Nar Mobile şəbəkəsindən 500.000-dən çox abunəçi istifadə edir.