Azərbaycan, Bakı, 05 sentyabr/ Trend , müxbir S.Babayeva/ İlin sonunadək Azərbaycanda birinci milli axtarış portalı yumroo.az-ın gündəlik istifadəçilərinin sayının 20 min nəfər səviyyəsində olacağı proqnozlaşdırılır, - məlumatlı mənbə cümə günü bildirib.
"Bütün planlaşdırılan texniki işlər yerinə yetirilərsə, bu sayda istifadəçi artıq portalın istismarının birinci mərhələsində real ola bilər", - mənbə qeyd edib.
Portalın oktyabrda istismara verilməsi planlaşdırılan birinci versiyasına axtarış, xəbər və poçt (poçt qutusunun qeyri-məhdud həcmi) funksiyaları daxil olacaq. Perspektivdə on-line mağazalar, əyləncə servisləri, xəbərlər, iqtisadi təhlil kimi əlavə xidmətlərin portalda yerləşdirilməsi planlaşdırılır.
"Layihənin əsas məqsədi bütün mütərəqqi İnternet-resursları populyarlaşdırmaq üçün onların hamısını bir yerdə toplamaqdır", - mənbə bildirib.
Yumroo.az üç dildə - Azərbaycan, ingilis və rus dillərində işləyəcək.
Yeni milli portalın əsas fərqi, dünyanı diqqətdən kənarda saxlamayaraq, Azərbaycanyönlü olmasıdır. Sorğuların dəqiq mənalarını nəzərə almaqla, portal vasitəsilə Azərbaycanın İnternet-resursları arasında daha səmərəli axtarış aparmaq mümkün olacaq.
İstismara verilən vaxtda portalın indeksasiyası Azərbaycanın 1 min fəal İnternet-saytını özündə birləşdirəcək. Xarici saytlar üzrə axtarış da təmin ediləcək.
Müəlliflə əlaqə saxlamaq üçün elektron ünvan sap