Azərbaycan, Bakı, 19 yanvar/ Trend , müxbir S.Babayeva/
2008 - ci ildə Azərbaycanda mobil rabitə nömrələrinin sayı 5,9 mln. təşkil edib, - Dövlət Statistika Komitəsi xəbər verir. Onlardan 79 faizi aktiv nömrələrdir. Beləliklə, ölkədə 4,7 mln. aktiv mobil rabitə abonenti var.
Ötən ilin əvvəlindən ölkədə mobil rabitə nömrələrinin sayı 1,4 mln. ədəd artıb.
Dövlət Statistika Komitəsinin məlumatına görə, hər yüz nəfərə 68 nömrə düşüb.
Bu gün Azərbaycanda üç GSM operatoru fəaliyyət göstərir. Onlardan ən böyüyünün - Azercell Telecom - un 3,5 mln. abonenti var, qalan nömrələr Bakcell və Azerfon-un payına düşür.
Azərbaycan hökumətinin proqnozlarına görə, 2009 - cu ildə ölkədə mobil rabitə abonentlərininsayı 6 mln., 2010 - cu ildə - 6,5 mln., 2011 - ci ildə - 6,9 mln. 2012 - ci ildə 7,1 mln. nəfərədək arta bilər.
