Azərbaycan, Bakı, 04 mart / Trend , müxbir N.İsmayılova / "AB Standard holdinqinə daxil olan və telekommunikasiya xidmətləri göstərən "AB SkyBell Communications" Azərbaycan şirkəti özünün ləğvini bəyan edib", - Azərbaycan Vergilər Nazirliyinin rəsmi nəşri olan "Vergilər" qəzetindəki elanda deyilir.
Şirkətin kreditorları öz tələblərini mayın 5-nə qədər holdinqə müraciət etməklə təqdim edə bilərlər.
AB SkyBell Communications 2004-cu ildə MMC kimi yaradılmışdı. Həmin ildəcə AB SkyBell yerüstü rabitə operatoru və məlumat ötürülməsi üçün telematik xidmətlərin göstərilməsi üçün Rabitə və İnformasiya Texnologiyaları Nazirliyinin lisenziyasını alıb.
AB SkyBell Communications şirkəti öz fəaliyyətinə kommutator xətləri ilə dünya şəbəkəsi - İnternetə çıxış (Dial-Up) təqdim etməklə başlayıb. Bu xidmət SkyNet internet service brendi altında göstərilib. Şirkət həmçinin İnternetə geniş xətli çıxış - ADSL və Leased Line, yəni ayrı xətlər xidmətini təklif edirdi.
AB Standard holdinqinə AB SkyBell-lə yanaşı, həmçinin Bank Standard, Standard Insurance, Standard Capital maliyyə sektoru şirkətləri daxildir. Sənaye sektoru AB Darnagul, AB Siyazan Fish, AB Tim, qeyri-sənaye sektoru isə AB Travel, AB Legal Consulting Group, AB Service və AB Qala şöbəsi ilə təmsil olunur
Məqalə müəllifi ilə əlaqə ünvanı: [email protected]
