Azərbaycan, Bakı, 11 iyun / Trend , S.Babayeva /
Azərbaycanın Rabitə və İnformasiya Texnologiyaları Nazirliyinin mütəxəssisləri Antalyada iyunun 11-12-də "Texnoloji sahədə rasionallığın maksimal artımı və maliyyə böhranı ilə əlaqədar poçt sektorunda həyata keçirilən tədbirlər" mövzusunda keçirilən seminarda iştirak edir.
Seminarda, həmçinin Türkiyə, Əlcəzair, Bosniya, Moldova, Qırğızıstan, Tacikistan, Tunis, Pakistan, Makedoniya, Fransa və digər ölkələrin nümayəndələri iştirak edir.
Görüşün gündəliyinə İKT tərəfindən tətbiq olunan bütün sahələrdə, həmçinin poçt sahəsində rasionallığın artırılması, qlobal iqtisadi böhran dövründə xərclərin azaldılması, böhranın beynəlxalq poçt sahəsinə təsiri, həmçinin böhranın poçt sahəsinə mənfi təsirinin azaldılması məqsədi ilə həyata keçirilən tədbirlər kimi məsələlər daxildir.
Rabitə Nazirliyindən bildirilib ki, seminarın birinci günü azərbaycanlı nümayəndələr məruzə ilə çıxış ediblər. Məruzədə dövlət poçt operatoru Azerpocht haqqında və iş yerlərinin avtomatlaşdırılması üzrə maliyə xidmətləri, həmçinin bank xidmətlərinin təşkili üzrə məlumatlar əks olunub.
Seminar çərçivəsində Rabitə Nazirliyinin nümayəndələri Türkiyə poçt administrasiyasının poçt şöbələrində yazılı korrespondensiyanın qəbulunda marka vuran maşınların tətbiq edilməsi təcrübəsi ilə tanış olacaqlar.
Məqalə müəllifi ilə əlaqə ünvanı: [email protected]