Azərbaycan, Bakı, 16 sentyabr / Trend , müxbir H.Vəliyev /
Azərbaycanın Rabitə və İnformasiya Texnologiyaları Nazirliyinin "Aztelekom" İstehsalat Birliyi dövlət operatoru paytaxtda yaşayan abunəçiləri üçün "181" xidmətinin əhatə dairəsini genişləndirir. Bu barədə Trend a RİTN-dən bildirilib.
İdarənin məlumatına əsasən, hazırda "181" xidməti çərçivəsində universal xidmətlərin göstərilməsi üzrə işlər həyata keçirilir. Yeni universal kartlardan həm telefon danışıqları, həm də İnternetə giriş üçün istifadə etmək mümkün olacaq.
"181" nömrəsi balansa pul vəsaitinin yüklənməsi üçün istifadə olunur. Yükləmədən sonra abunəçi beynəlxalq və şəhərlərarası danışıq üçün 123 kodunu yığır.
Hazırda abunəçilər sistemə qoşulmaq üçün 2, 4 və 10 manat nominallı kartlar ala bilər.
Məqalə müəllifi ilə əlaqə ünvanı: [email protected]