Azərbaycan, Bakı, 18 sentyabr / Trend , müxbir H.Vəliyev /
Türkmentel - 2009 beynəlxalq sərgi konfransında Xəzərdə Azərbaycan və Türkmənistan arasında Trans-Asiya-Avropa (TAA) optik kabel magistralının çəklilməsi üzrə məsələlərin müzakirəsi aparılacaq. Bu barədə cümə günü Rabitə və İnformasiya Texnologiyaları Nazirliyindən (RİTN) Trend -a məlumat verilib.
Konfransda RİTN-i qurumun beynəlxalq əlaqələr və hesablamalar mərkəzinin direktoru Cəlil Cəfərov təmsil edəcək.
Türkmənistan tərəfi ilə mərkəzin rəhbəri arasında əvvəllər əldə edilən razılığa görə, Xəzər seqmentinə TAA magistralının çəkilməsi məsələsi üzrə müzakirələr aparacaq.
Xəzər seqmentinə Türkmənistan və Azərbaycan arasında TAA magistralının çəkilməsi çox əlverişlidir. Belə ki, bu magistral marşrutu qısaltmağa, mübadilə trafikinin həcmini artırmağa imkan verir və Qırğızıstan və Çinə birbaşa çıxış üçün şərait yaradır.
Hazırda müvafiq orqanlara tapşırıqlar verilib və həmin layihə dövlətlərarası komissiyanın protokoluna daxil edilib.
Layihənin reallaşması üzrə ikitərəfli danışıqlar dövlət başçısının Türkmənistana sonuncu səfərindən sonra faəllaşıb və hazırda bu məsələ üzrə prezidentlər səviyyəsində müəyyən edilən razılaşma var.
Türkmənistan tərəfi hələlik bu layihəyə ehtiyatla yanaşır, çünki hazırda Xəzərin statusu məsələsi həll edilməyib.
Türkmənistanla paralel olaraq Qazaxıstan tərəfi ilə də danışıqlar aparılır. RİTN-nin beynəlxalq əlaqələr və hesablamalar mərkəzi ilə QazTransCom Qazaxıstan şirkəti arasında imzalanmış protokol mövcuddur. Protokola uyğun olaraq, layihənin maliyyələşməsi birgə həyata keçiriləcək.
Məqalə müəllifi ilə əlaqə ünvanı: [email protected]
