Azərbaycan, Bakı, 16 noyabr / Trend , müxbir H.Vəliyev/
Azərbaycanda mobil rabitə istifadəçilərinin sayı doqquz ay ərzində 1,3 milyon abunəçi artıb. Bu barədə Dövlət Statistika Komitəsinin məlumatında deyilir.
Komitənin statistik məlumatına görə, Azərbaycanın mobil rabitə bazarında satılan nömrələrin sayı 7,3 milyon ədəd təşkil edir ki, onun da 78 faizi aktivdir.
Hazırda ölkədə hər 100 nəfərə 82 mobil rabitə abunəçisi düşür.
Azərbaycanda mobil rabitə istifadəçilərinin böyük əksəriyyəti GSM standartının payına düşür. Hazırda Azərbaycanın mobil rabitə bazarında üç GSM operatoru (Azercell Telecom MMC, Azerfon MMC və Bakcell şirkəti) fəaliyyət göstərir.
Azercell Telecom şirkətinin abunəçi bazası 3,7 milyon, Bakcell 1,5 milyondan çox, Azerfon isə 1,2 milyondan çox abunəçi təşkil edir.
Məqalə müəllifi ilə əlaqə ünvanı: [email protected]
