Azərbaycan, Bakı, 8 fevral / Trend , müxbir H.Vəliyev/
Naxçıvan Muxtar Respublikasında mobil rabitənin səviyyəsi 61 faizə çatıb. Bu barədə Naxçıvan Muxtar Respublikası Rabitə və İnformasiya Texnologiyaları Nazirliyinin məlumatında bildirilir.
Nazirliyin məlumatına əsasən, bugün Muxtar Respublikanın əhalisinin (təxminən 400 min nəfər) 245 min nəfərdən çoxu mobil rabitə abonentləridir.
Ötən il ərzində bütün mobil rabitə xidmətinin həcmi 40 faiz artaraq 26,5 milyon manata çatıb. 2009-cu ildə Naxçıvan əhalisinə rabitə müəssisəsi tərəfindən 31 milyon manatdan çox həcmdə xidmət göstərilib. Bu isə 2008-ci ildəki göstəricidən 34 faiz çoxdur.
Nazirliyin məlumatına əsasən, Muxtar Respublikada 100 ailəyə 63 stasionar rabitə xətti düşür.
Məqalə müəllifi ilə əlaqə ünvanı: [email protected]